Happdrætti

 

Happdrættið er einn veigamesti þátturinn í fjáröflunarstarfi félagsins. Happdrætti Styrktarfélags lamaðra og fatlaðra er tvisvar á ári, sumarhappdrætti þar sem dregið er út 17. júní og jólahappdrætti þar sem dregið er út á aðfangadag.

 

Jólahappdrætti 2024

Jólahappdrættismiði Styrktarfélags lamaðra og fatlaðra mun berast í heimabankann hjá flestum. Einnig er hægt að kaupa rafrænan happdrættismiða í vefverslun SLF. 

Styrktarfélag lamaðra og fatlaðra treystir á ýmsar fjáraflanir til að fjármagna starfsemi sína. Með kaupum á happdrættismiðanum styður þú við mikilvæga starfsemi Styrktarfélags lamaðra og fatlaðra og gætir átt von á glæsilegum vinningi.  

Styrktarfélag lamaðra og fatlaðra var stofnað árið 1952 og hefur frá upphafi rutt braut og unnið dýrmætt frumkvöðlastarf í þjónustu við fötluð börn, ungmenni og fjölskyldur þeirra. Í dag er blómleg starfsemi á vegum félagsins einkum fólgin í margvíslegri þjónustu undir merkjum Æfingastöðvar­innar og Reykjadals í Mosfellsdal og Skagafirði. Alls nýta um 1.800 fjölskyldur þjónustu Styrktarfélagsins á ári hverju. 

 

Sumarhappdrætti 2024

Dregið hefur verið í sumarhappdrætti Styrktarfélags lamaðra og fatlaðra.

 

Sumarhappdrætti 2024

Sumarhappdrættismiði Styrktarfélags lamaðra og fatlaðra mun berast í heimabankann hjá flestum. Einnig er hægt að kaupa rafrænan happdrættismiða í netverslun SLF.

Happdrættið hefur alltaf verið ein helsta fjáröflunarleið Styrktarfélagsins. Með kaupum á happdrættismiðanum styður þú það mikilvæga starf sem er unnið á Æfingastöðinni á degi hverjum og gætir átt von á glæsilegum vinningi. 

 

 

Jólahappdrætti 2023

Dregið hefur verið í jólahappdrætti Styrktarfélags lamaðra og fatlaðra.

 

 

Sumarhappdrætti 2023

Dregið hefur verið í sumarhappdrætti Styrktarfélags lamaðra og fatlaðra.

 

 

Sumarhappdrætti 2023

Sumarhappdrættismiði Styrktarfélags lamaðra og fatlaðra er kominn í heimabankann hjá flestum. Einnig er hægt að kaupa happdrættismiða í netverslun SLF og í afgreiðslunni hjá okkur við Háaleitisbraut.

Með kaupum á happdrættismiða styður þú mikilvægt starf Styrktarfélags lamaðra og fatlaðra. Við eflum börn til þátttöku í samfélaginu og leggjum áherslu á vináttu og gleði í öllu okkar starfi. Svo gætir þú einnig glaðst yfir glæsilegum vinningi!

Heildarverðmæti vinninga er 40.090.000 kr. Dregið 19. júní 2023.

1. vinningur Honda Jazz Crosstar Hybrid* að verðmæti 5.190.000 kr.

2.–3. vinningur Gjafabréf frá Heimsferðum að andvirði 1.000.000 kr. hvert.

4.–5. vinningur Gjafabréf frá Heimsferðum að andvirði 700.000 kr. hvert.

6.–110. vinningur Gjafabréf frá Heimsferðum að andvirði 300.000 kr. hvert.