Íþrótta- eða tómstundafræðingur - fjölbreytt starf á Æfingastöðinni

Æfingastöðin auglýsir eftir íþrótta- eða tómstundafræðingi með metnað og áhuga á að starfa með börnum, ungmennum og fjölskyldum þeirra. Um er að ræða hlutastarf, hlutfall eftir samkomulagi.  

Æfingastöðin er miðstöð þjónustu og þekkingar í hæfingu og endurhæfingu barna og ungmenna. Við erum öflugt teymi sjúkraþjálfara, iðjuþjálfa og aðstoðarfólks sem höfum það markmið að efla þátttöku barna- og ungmenna heima fyrir, í skólanum og úti í samfélaginu.

Árlega nýta um 1400 börn og fjölskyldur þeirra sér fjölbreytta þjónustu Æfingastöðvarinnar. Við bjóðum meðal annars upp á öflugt hópastarf, þjálfun í sundlaug, sjúkraþjálfun á hestbaki og iðjuþjálfun með hund og hest.

Við viljum ráða íþrótta- eða tómstundafræðing sem hefur áhuga á fjölbreyttu starfi með börnum og ungmennum. Í starfinu felst meðal annars teymisvinna með sjúkra- og iðjuþjálfum, þátttaka í hópþjálfun og námskeiðum og þróun úrræða með það að marki að efla þátttöku barna í þeirra umhverfi.

Æfingastöðin er fjölskylduvænn vinnustaður og er vinnuvika starfsfólks í fullu starfi 36 klst. Hjá okkur ríkir frábær starfsandi og starfsmannafélagið okkar „Frú Margrét“ stendur fyrir skemmtilegum viðburðum allt árið. Við erum einnig með sterka endurmenntunarstefnu.

Hæfniskröfur

• Góð hæfni í mannlegum samskiptum og jákvætt viðhorf 
• Frumkvæði og sjálfstæði í starfi
• Góð íslenskukunnátta
• Reynsla af starfi með börnum/ungmennum er kostur
• Hreint sakavottorð

Frekari upplýsingar

Laun samkvæmt gildandi kjarasamningum. Gefið er frí milli jóla- og nýárs.

Umsóknarfrestur er til og með 10.september 2024

Umsóknir berist til kolla@slf.is

Nánari upplýsingar veitir

Kolbrún Kristínardóttir, yfirsjúkraþjálfari 
kolla@slf.is  
8636380