Jólahappdrætti SLF 2024 er komið í heimabankann hjá flestum

Jólahappdrættismiði SLF 2024

Jólahappdrættismiði Styrktarfélags lamaðra og fatlaðra 2024 er kominn í heimabankann hjá flestum. Einnig er hægt að kaupa happdrættismiða í vefverslun SLF.

Kaupa miða

Styrktarfélag lamaðra og fatlaðra treystir á ýmsar fjáraflanir til að fjármagna starfsemi sína. Með kaupum á happdrættismiða SLF styður þú við mikilvæga starfsemi Styrktarfélags lamaðra og fatlaðra og gætir átt von á glæsilegum vinningi.  

Heildarverðmæti vinninga er 40.090.000,- kr. Dregið 24. desember 2024.

1. vinningur. Skoda Kamiq* Framhjóladrifinn, sjálfskiptur bensínbíll að verðmæti 4.990.000 kr.

 *Búnaður bílsins á myndinni getur verið frábrugðinn búnaði vinningsbílsins

2.– 4. vinningur.  Gjafabréf frá Heimsferðum að verðmæti 1.000.000,- kr. hver vinningur.

5.-10. vinningur. Gjafabréf frá Heimsferðum að verðmæti 700.000,- kr. hver vinningur.      

11.-103. vinningur. Gjafabréf frá Heimsferðum að verðmæti 300.000,- kr. hver vinningur.                                                                                           

Útgefnir miðar eru 61.000. Söluverð hvers miða er kr. 3.900. Vinningar eru 100 að heildarverðmæti kr. 40.090.000. 

Tækifæri í stað takmarkana!

Styrktarfélag lamaðra og fatlaðra var stofnað árið 1952 og hefur frá upphafi rutt braut og unnið dýrmætt frumkvöðlastarf í þjónustu við fötluð börn, ungmenni og fjölskyldur þeirra. Í dag er blómleg starfsemi á vegum félagsins einkum fólgin í margvíslegri þjónustu undir merkjum Æfingastöðvar­innar og Reykjadals í Mosfellsdal og Skagafirði. Alls nýta um 1.800 fjölskyldur þjónustu Styrktarfélagsins á ári hverju. 

Vinningar eru auglýstir í Lögbirtingablaðinu og fjölmiðlum að loknum drætti. Upplýsingar um vinninga eru á heimasíðu félagsins www.slf.is og á skrifstofu félagsins í síma 535-0900. Gildistími vinninga er eitt ár frá því að útdráttur fer fram. Öllum hagnaði af happdrættinu er varið til eflingar starfsemi félagsins. Vinningar eru skattfrjálsir.