Orkan styrkir Reykjadal

Frá vinstri Katrín M. Guðjónsdóttir markaðsstjóri Skeljungs, Berglind Sigurgeirsdóttir markaðsstjóri Styrktarfélags lamaðra og fatlaðra, Ingunn Elín Sveinsdóttir framkvæmdarstjóri einstaklingssviðs Skeljungs, Margrét Vala Marteinsdóttir verkefnastýra Reykjadals og Vigdís Guðjohnsen markaðssérfræðingur hjá Skeljungi

Orkan og Reykjadalur gengu í liðinni viku frá samstarfssamningi. Samningurinn felur í sér að velunnarar Reykjadals geta sótt um að fá sérstakan Orkulykil Reykjadals en með honum mun viðskiptavinum gefast kostur á að styrkja Reykjadal allan ársins hring og fá afslátt af eldsneyti um leið. Samningurinn er aðstandendum Reykjadals mikils virði en Styrktarfélag lamaðra og fatlaðra hefur á undanförnum árum þurft að hagræða töluvert í rekstri. Meðal annars þurfti að loka öðrum af tveimur sumarbúðum á vegum Styrktarfélagsins og var öll starfsemin færð yfir í Reykjadal. Sú hagræðing leiddi af sér að biðlistar lengdust verulega og er nú allt að tveggja ára bið eftir dvöl. Því stendur til að stækka húsnæðið í Reykjadal og fjölga með því plássum. Stuðningur fyrirtækja er því mikilvægari en aldrei fyrr og Orkan tengist með samstarfinu samfélagslegu málefni sem við getum öll látið okkur varða.

Við hvetjum velunnara Reykjadals til þess að sækja um Orkulykil en hann veitir 6-8 króna afslátt af bensínlítranum. Skeljungur heitir svo 2.500 kr á hvern lykil í hópnum er nær 250 lítra veltu og auk þess mun 1 króna af hverjum lítra sem keyptur er með lyklinum renna til Reykjadals og það munar svo sannarlega um minna! 

Hér er hægt að kynna sér málið nánar og sækja um Orkulykil Reykjadals.