Fréttir

Bréf til skjólstæðinga og aðstandenda 23. mars:

Ágætu skjólstæðingar og forráðamenn, Á meðan samkomubann stendur yfir er Æfingastöðinni heimilt að veita takmarkaða þjónustu og þurfum við á ykkar aðstoð að halda til að leggja okkar af mörkum til almannavarna.

Stjórn Styrktarfélags lamaðra og fatlaðra fundaði í dag og þar var ákveðið að starfsemi Æfingastöðvarinnar yrði haldið áfram. Verklagi hefur verið breytt til að auka smitvarnir og hópastarf verður endurskipulagt með tilliti til smitvarna. Við fylgjum nýjustu leiðbeiningum Almannavarna og sóttvarnarlæknis.

Í leiðbeiningum sem Landlæknisembættið gaf út fyrir helgi vegna útbreiðslu COVID-19 kemur fram að einstaklingar með undirliggjandi vandamál séu í aukinni hættu á alvarlegri sýkingu smitist þeir af veirunni. Því viljum við brýna fyrir skjólstæðingum okkar og aðstandendum þeirra að meta hvort rétt sé að koma til okkar í þjálfun eða að fresta tímanum. Það er sjálfsagt að fresta tímanum í síma 535-0900.

Lokað verður á Æfingastöðinni og skrifstofu Styrktarfélags lamaðra og fatlaðra næstkomandi föstudag, 6. mars, vegan starfsdags. Opnum aftur á mánudaginn kl. 8.

Í ljósi þeirra fordæmalausu aðstæðna sem nú hafa skapast vegna COVID-19 kórónaveirunnar viljum við biðla til skjólstæðinga okkar að gæta varúðar og koma ekki til okkar sé minnsti grunur á smiti fyrir hendi.

Æfingastöðin óskar eftir að ráða iðjuþjálfa í 100% starf eða eftir samkomulagi. Frumkvæði, góð samskiptahæfni og áhugi á þjálfun barna og ungmenna er nauðsynleg.

Skrifstofa Styrktarfèlags lamaðra og fatlaðra og Æfingastöðin er lokuð í dag vegna veðurs.

Við leitum að hugmyndaríkum, ábyrgðarfullum og hressum matráði til starfa í Reykjadal í sumar.