Fréttir

Áfram verður opið á Æfingastöðinni þrátt fyrir hertar sóttvarnarreglur. Við erum heilbrigðisstofnun og leitum allra leiða til þess að veita okkar mikilvægu þjónustu. Við gætum að sóttvörnum og fylgjum nýjustu leiðbeiningum Almannavarna og sóttvarnarlæknis.

Sala er hafin á jólahappdrættismiðum Styrktarfélags lamaðra og fatlaðra 2020. Miðana má finna sem valkröfu í heimabanka. Þeir eru einnig væntanlegir inn um lúguna hjá einhverjum á næstu dögum og verða aðgengilegir í netverslun á sama tíma.

Mælst er til þess að fólk noti grímu í húsnæði Æfingastöðvarinnar. Einnig óskum við eftir að fólk virði fjarlægðatakmarkanir á biðstofunni okkar sem og í öðrum rýmum. Það er einnig ósk okkar að viðskiptavinir mæti á réttum tíma og dvelji ekki í húsinu að óþörfu.

Á morgun verður síðasti vinnudagur K. Freyju Skúladóttur hjá Æfingastöðinni en hún lætur af störfum eftir 29 ár hjá Æfingastöðinni. Freyja er að færa sig um set og hefja störf hjá hjúkrunarheimilinu Eir.

Nemendur í sjúkraþjálfun sem áttu að koma í verknám á Æfingastöðinni í vor en komu ekki vegna samkomubanns gerðu myndbönd sem sýnir hvernig þau myndu leggja upp tímana. Við erum svo heppin að fá að deila þessum myndböndum.

Við minnum á að umsóknarfrestur til að sækja um í vetrardvöl 2020/2021 rennur út á morgun, 1. september.

„Það var ómetanlegt að fá að hitta aðra foreldra í svona góðu umhverfi,“ segir Kristrún Sigurjónsdóttir um dvölina í sumarbúðum fyrir fjölskyldur fatlaðra barna í Vík í Mýrdal en hún fór þangað ásamt fjölskyldu sinni, eiginkonunni Signýju Hermannsdóttur, syninum Kára 5 ára og dótturinni Kötlu 2 ára.

Átján fjölskyldur fatlaðra barna tóku þátt í sérstökum sumarbúðum Styrktarfélags lamaðra og fatlaðra í Vík í Mýrdal í sumar. Verkefnið var styrkt af félagsmálaráðuneytinu sem viðbrögð við félagslegum áhrifum Covid-19 faraldursins. Atli Lýðsson þróaði og leiddi verkefnið sem er unnið að norrænni fyrirmynd.

Starfsfólk Reykjadals frumsýndi í vikunni tónlistarmyndband við frumsamið lag um Reykjadal. Lagið heitir Reykjadalurinn minn! og er eftir Ásgeir Kristján. Berglind Wöhler hafði umsjón með gerð lagsins og leikstýrði myndbandinu en hún samdi einnig textann ásamt Bjarna og Örnu Ösp en þau störfuðu öll í Reykjadal í sumar.

Í gær kvöddum við síðustu gestina í Reykjadal eftir frábært sumar. Við tókum á móti fleiri gestum en nokkru sinni áður á nýjum starfsstöðvum um land allt og sköpuðum ný sumarstörf fyrir námsmenn. Það var félags- og barnamálaráðherra sem styrkti okkur í þessum einstöku verkefnum. Alls skapaðist 51 starf fyrir námsmenn í tengslum við verkefnin og við tókum á móti 177 einstaklingum til viðbótar við þau sem komu í Reykjadal. Einnig komu 18 fjölskyldur fatlaðra barna í sumardvöl til okkar í Vík í Mýrdal.