Fréttir

Verkfræðistofan Mannvit færði Reykjadal jólastyrk sinn fyrir jólin 2018. Styrkveitingin kemur í stað jólakorta fyrirtækisins. Margrét Vala Marteinsdóttir, forstöðumaður Reykjadals, tók við styrknum fyrir hönd Reykjadals núna í upphafi nýársins. Styrkurinn verður nýttur í endurbætur á útisvæði sumarbúðanna en framkvæmdir eru þegar hafnar

Attentus ráðgjafaskrifstofa ákvað fyrir jólin 2018 að veita sumarbúðunum okkar í Reykjadal styrkveitingu. Styrkveiting þessi kemur í stað þess að fyrirtækið kaupi og sendi út jólakort.

Starfsemin hefst í lok maí og lýkur um miðjan ágúst. Einnig stendur til boða að taka helgarvaktir yfir vetrartímann. Starfsmenn eru um 50 talsins og vinna á tvískiptum vöktum. Ekki er gerð krafa um menntun en áhugi er auðvitað skilyrði.

Dregið var út úr jólahappdrætti Styrktarfélags lamaðra og fatlaðra 24. desember síðastliðinn. Vinningstölur verða birtar hér á heimasíðunni þann 28. desember síðdegis

Eliza Reid forsetafrú afhenti Önnu Karólínu Vilhjálmsdóttur Kærleikskúlu ársins 2018 við hátíðlega athöfn á Kjarvalsstöðum í dag. Þetta er í sextánda sinn sem Styrktarfélag lamaðra og fatlaðra gefur frá sér Kærleikskúluna en allur ágóði af sölu hennar rennur til sumar – og helgarbúða fyrir fötluð börn og ungmenni í Reykjadal.

Stekkjastaur er jólaórói Styrktarfélags lamaðra og fatlaðra árið 2018 en hann var afhjúpaður við tendrun Oslóartrésins á Austurvelli sunnudaginn 2. desember. En Stekkjastaur fer víða og stundum yfir Atlandshafið ef þess er þörf, en hann fær einnig að njóta sín í góðum hópi bræðra sinna á sameiginlega jólatré norrænu sendiráðanna í Berlín þetta árið. Stekkjastaur er seldur frá 5.-19. desember og mun allur ágóðinn renna til Æfingastöðvarinnar.

Afhending Kærleikskúlunnar 2018 mun fara fram á Kjarvalsstöðum miðvikudaginn 5. desember kl. 11. Kærleikskúla ársins er eftir Elínu Hansdóttur og ber heitið Terrella. Eliza Reid forsetafrú verður gestgjafi á afhendingunni.

Elín Hansdóttir er listamaður Kærleikskúlunnar árið 2018. Kúlan ber heitið Terrella og er allur ágóði af sölu hennar til styrktar sumar - og helgardvalarstaðinn í Reykjadal. Kúlan verður seld í búðum víðsvegar um land og á netverslun Styrktarfélagsins: www.kaerleikskulan.is Sölutímabilið er frá 5. - 19. desember.

Sala á jólahappdrættismiðum Styrktarfélags lamaðra og fatlaðra er hafin en ágóðinn af sölunni rennur til Æfingastöðvarinnar.