Fréttir

Í gær barst Reykjadal vegleg gjöf. 1.082.150,- kr. sem söfnuðust í golf- og hjólamótinu Palla Open. Ekki nóg með það heldur bætti Palli Líndal glæsilegu fjallahjóli við gjöfina til Reykjadals. Hörður Sigurðsson formaður Styrktarfélags lamaðra og fatlaðra veitti styrknum og hjólinu viðtöku í gærkvöldi og brunaði með það beina leið í Reykjadal. Fyrstu gestir sumarsins eru nefnilega væntanlegir í dag.

Laugardaginn 22. maí fer fram Golf- og hjólamót á Hlíðavelli í Mosfellsbæ og rennur þátttökugjaldið óskipt til Reykjadals og Hlaðgerðarkots sem Samhjálp á og rekur. Mótið er hugmynd Palla Líndal sem hefur fengið stuðning frá vinum við skipulagningu en Golfklúbbur Mosfellsbæjar styður mótið með aðstöðu og utanumhaldi. Nánari upplýsingar hér að neðan:

Um helgina tóku fjórar fjölskyldu þátt í helgarfríi fjölskyldunnar í Vík í Mýrdal. Helgin er sú fyrsta af sex en verkefnið er styrkt af félagsmálaráðuneytinu sem viðbrögð við félagslegum áhrifum Covid-19.

Gunnhildur Jakobsdóttir iðjuþjálfi var gestur Spjallsins með Góðvild á dögunum en viðtal við hana var birt á Vísi í dag. Gunnhildur er menntuð í notkun dýra við íhlutun og undanfarna mánuði hefur hún tekið á móti börnum í iðjuþjálfun ásamt tíkinni Skottu sem er fyrsti vottaði þjónustuhundur á Íslandi. Í viðtalinu segir Gunnhildur frá því hvernig megi nota hunda og hesta við iðjuþjálfun og talar um starfsemi Æfingastöðvarinnar og stöðu iðjuþjálfunar hér á landi.

Sala er hafin á sumarhappdrættismiðum Styrktarfélags lamaðra og fatlaðra 2021. Happdrættismiðarnir verða sendir í heimabanka á næstu dögum. Að venju er dregið út 17. júní. Vinningar eru stórglæsilegir eins og alltaf og allur ágóði af sölu miðanna rennur til Reykjadals.

Systkinum barna og ungmenna með fötlun og/eða sérþarfir stendur nú til boða taka þátt í ævintýranámskeiði Reykjadals á sérstökum systkinavikum. Vikurnar 19.-23.júlí og 9.-13.ágúst verða tileinkaðar systkinum sem geta upplifað ævintýri Reykjadals saman og þannig styrkt tengslin.

Með stuðningi frá félagsmálaráðuneytinu endurtökum við leikinn frá síðasta sumri og bjóðum fjölskyldum fatlaðra barna upp á sumarfrí og samveru. Mikil ánægja var meðal þeirra fjölskyldna sem tóku þátt í fyrra.

Starfsfólk Æfingastöðvarinnar býr yfir mikilli þekkingu á sviði sjúkra- og iðjuþjálfunar barna og ungmenna. Mikið er til af útgefnu efni, bæklingum og greinum eftir þjálfara okkar og ætlum við á næstu vikum að benda á það efni, eitt í hverri viku. Þessa vikuna er það bæklingurinn „Góðir skór“.

Lokað er á Æfingastöðinni 30. og 31. mars vegna páskaleyfa. Opnum aftur eftir páska, þriðjudaginn 6. apríl.

Í ljósi hertra samkomutakmarkana fellur allt hópastarf á Æfingastöðinni niður fram að páskum. Að öðru leyti verður starfsemin óbreytt og saman hjálpumst við að við að gæta allra sóttvarna.